काठमाडौँ, ५ चैत : राष्ट्रिय विपद् जोखिम न्यूनीकरण तथा व्यवस्थापन प्राधिकरणका नवनियुक्त कार्यकारी प्रमुख ई. दिनेशप्रसाद भट्टले आज पदभार ग्रहण गर्नुभएको छ । कार्यकारी प्रमुख भट्टलाई निवर्तमान कार्यकारी प्रमुख डा भीष्मकुमार भुसालले प्राधिकरणमा स्वागत गर्नुभयो । प्राधिकरणमा आयोजित स्वागत कार्यक्रममा सङ्क्षिप्त मन्तव्य राख्दै कार्यकारी प्रमुख भट्टले विपद् पूर्वतयारी र जोखिम न्यूनीकरणका प्रयासमार्फत जनधनको क्षति कम गर्न आफ्नो जोड रहने बताउनुभयो ।
त्यसका लागि प्राधिकरणमा पर्याप्त जनशक्ति व्यवस्थापन गर्नेतर्फ आफ्नो ध्यान रहने उहाँले उल्लेख गर्नुभयो । मन्त्रिपरिषद्को सोमबार बसेको बैठकले भट्टलाई प्राधिकरणको कार्यकारी प्रमुखमा नियुक्त गरेको हो ।
Facebook Comments Box