बेइजिङ । संयुक्तराज्य अमेरिकाले ह्यूस्टनमा रहेको चिनियाँ महावाणिज्यदूतावास कार्यालय बन्द गर्न आदेश दिएको छ । चीनले अमेरिकाको उक्त कदमले दुबै मुलुकबीचको कुटनीतिक सम्बन्धलाई थप हानि पुर्याउने भन्दै विरोध गरेको छ ।
विश्वका दुई ठूला अर्थतन्त्र भएका चीन र अमेरिकाबीच पछिल्ला केही वर्षदेखि विभिन्न विषयमा गम्भीर मतान्तर रहँदै आएको छ । पछिल्लो समय अर्ध–स्वायत्त हङकङका सन्दर्भमा पारित भएको विवादास्पद राष्ट्रिय सुरक्षा कानुनलाई लिएर अमेरिकाले तिब्र असन्तोष व्यक्त गरेको छ ।
चीनको विदेश मन्त्रालयका प्रवक्ता वाङ वेनबिनले महावाणिज्यदूतावास बन्द गर्न दिइएको गलत आदेश तत्काल फिर्ता गर्न चीनले अमेरिका समक्ष आग्रह गरेको बताए । उनले अमेरिकाले उक्त कदम नसच्याए चीनले पनि जवाफमा उपयुक्त र आवश्यक कदम चाल्ने चेतावनी दिए ।
प्रवक्ता वाङले भने, “यो अमेरिकाले एकपक्षीय रुपमा संचालन गरेको राजनीतिक भडकाउपूर्ण कार्य हो, र यसले अन्तर्राष्ट्रिय कानुनको समेत गम्भीर उल्लंघन गर्दछ । साथै यो चीन र अमेरिकाबीच भएको द्विपक्षीय कन्सुलर सम्झौताको पनि उल्लंघ हो ।” उनले अमेरिकाबाट भएको यो लज्जाजनक एवं अन्यायपूर्ण कदमको हामी कडा शब्दमा निन्दा गर्दछौं भन्दै यस कदमले चीन–अमेरिका सम्बन्धलाई ध्वस्त बनाउन सक्ने बताए ।
ह्यूस्टनस्थित स्थानीय संचार माध्यमका अनुसार महावाणिज्यदूतावास परिसरमा भवनका कागजात जलाइएपछि स्थानीय अग्निनियन्त्रक र प्रहरीहरु साँझपख कन्सुलेट भवनमा आइपुगेका थिए । ह्यूस्टन प्रहरी प्रमुखले भवनको परिसरबाट धुँवा निस्केको जानकारी दिँदै भवन परिसरभित्र प्रवेश गर्न नदिइएको बताए ।
अमेरिकाले आफ्नो देशमा रहेको चिनिया दुताबासले अमेरिकी सरकार बिरुद्द काम गरिरहेको र बिशेषगरी चिनिया दुतबासबाट अमेरिकी सरकारी कार्यलयका गोपनीय कुराहरु ह्याकगरी चोरी गरिरहेको आरोप लगाइ दुतबास तीन दिन भित्र बन्द गर्न आदेश दिएपछि बिश्वमा यतिबेला अमेरिका चीन को ब्यापार युद्दपछि अब कुटनितिक युद्दमा गएकाले कतै तेस्रो बिश्व युद्द हुनेत होइन भन्ने बिभिन्न बिश्लेषकहरुले बताउन लागेका छन ।
चीनका बिदेश मन्त्रालयले भने अमेरिकले आफुहरुलाइ अनआवश्यक निराधार आरोप लगाएर अमेरिकाले कुटनितिक वार को प्रोपोगाण्डा लगाएको भन्दै राष्ट्रपति डोनाल्ड ट्रमले आउदै गरेको नोभेम्बर को राष्ट्रपति चुनाबलाइ अजेण्डा बनाउन खोजेको भन्दै अमेरिकाले ठुलो गल्ति गरेको चीनिया बिदेश मन्त्रालयले जनाएको छ । – एएफपी
