चेपाङ बस्तीमा आगजनीका बिषयमा यस्तो छ वनमन्त्री बस्नेतको भनाई

सोही रिपोर्टका आधारमा मन्त्रालयले तत्काल छानविन समिति बनाई फिल्डमा खटाइएको र समितिले ल्याउने रिपोर्टका आधारमा मन्त्रालयको समग्र धारणा समितिमा राख्ने कुरा गरिएको मन्त्री बस्नेतको भनाई छ । मन्त्री बस्नेतले भनेका छन्–‘हिजो छलफलको क्रममा घर र गोठको सन्दर्भमा मैले भनेको कुरा यो थियो कि ‘चेपाङ्ग बस्ति मा काजिमान प्रजाको परिवार बस्ने घरभन्दा अलग्गै रहेको नजिकै गोठमा आगजनि भएको र मकै हेर्नका लागि बनाएका अन्य केहि ब्यक्तिको मचानहरु समेत भत्काएको भन्ने प्रारम्भिक रिपोर्ट मन्त्रालयमा प्राप्त भएको छ। घट्ना एवं विषयको गंभिरता र संवेदनशिलतालाई ख्याल गरेर मन्त्रालयको तर्फबाट तत्काल छानविन समिति बनाई फिल्डमा खटाईएको र उहाहरुको रिपोर्ट आईसकेपछि मन्त्रालयको समग्र धारणा समितिमा राख्ने कुरा गरेको थिए।’