काठमाडौं । नेपाल सितोरियो कराते संघ,शाखा डोजो नक्सालले यस बर्ष २०७९ को बार्षिक क्यालेण्डर ( भित्ते पात्रो ) सार्वजनिक गरेको छ ।बार्षिक क्यालेण्डरको बिमोचन पुर्व प्रधानमन्त्री एवम नेपाल कम्युनिष्ट पार्टी ( माओवादी केन्द्र ) का अध्यक्ष पुष्प कमल दाहाल ‘प्रचण्ड’ ले एक बिशेष कार्यक्रम बिच गर्नु भयो ।
बिमोचन गर्नेक्रममा सम्वोधन गर्नुहुदै अध्यक्ष ‘प्रचण्ड’ ले बिगत लामो समय देखि कराते खेलको माध्यमवाट मुलुकको नाम अन्तराष्ट्रिय जगतमा चिनाउन निरन्तररुपमा लागिपरेको सितोरियो कराते नक्साल डोजो को खेलकुद क्षेत्रमा बेग्लै पहिचान स्थापित भएको बताउनुभयो । सम्बोधनकै क्रममा नक्साल डोजोको कराते प्रतिको योगदानको सबैले कदर र सम्मान गर्नुपर्ने बताउनुभयो ।
सम्बोधनकै क्रममा नक्साल डोजोको उत्तरोत्तर प्रगतीको कामना गर्दै बधाई तथा शुभकामना ब्यक्त गर्नुभयो । अध्यक्ष ‘प्रचण्ड’ले मुलुकका स्थापित क्लव तथा डोजोहरुलाई राज्यले पनि बिशेष प्राथमिकतामा राख्नुपर्ने बताउनु भयो । बिमोचन कार्यक्रममा अखिल नेपाल खेलकुद महासंघका उपाध्यक्ष एवम नक्साल डोजोका अध्यक्ष / प्रमुख प्रशिक्षक,अन्तराष्ट्रिय रेफ्री गजेन्द्र बहादुर खपाङ्गी, अखिल नेपाल खेलकुद महासंघका सदस्य ऐटन मल्ल,नक्साल डोजोका उपाध्यक्ष सोमलाल बलामी ,अन्तराष्ट्रिय पदकधारी सोनम बलामी लगायत पदाधिकारी तथा खेलाडीहरुको उपस्थिती रहेको थियो ।शाखा डोजो नक्सालले आफ्नो २३ ओै बार्षिकोत्सव अवशरमा काठमाण्डौमा यही जेठ १३ देखि १५ गते सम्म आठौ सगरमाथा अन्तराष्ट्रिय कराते प्रतियोगिताको समेत आयोजना गर्दैछ ।
