प्रधानन्यायाधीशमा श्रेष्ठको नाम सर्वसम्मतले अनुमोदन

सर्वोच्च अदालतको प्रधानन्यायाधीशमा प्रस्तावित प्रधानन्यायाधीश विश्वम्भरप्रसाद श्रेष्ठको नाम सर्वसम्मत अनुमोदन भएको छ।

संसदीय सुनुवाइ समितिले आज सर्वोच्च अदालतको प्रधानन्यायाधीशमा सिफारिस वरिष्ठ न्यायाधीश श्रेष्ठको सुनुवाइ गरेको हो। उक्त सुनुवाइपछि समितिले उनकाे नाम सर्वसम्मत अनुमोदन गरेकाे हाे।

२३ साउनमा श्रेष्ठविरुद्ध उजुरी आह्वान गरेर आइतबार सांसदहरूलाई वितरण गरेको संसदीय समितिले सोमबार बिहान साढे १० बजे उजुरीकर्तासँग छलफल गभएको थियो। त्यसपछि बसेको समितिको बैठकले उनको नाम प्रधानन्यायाधीशमा अनुमोदन गरेको हो।