हाँस्यकलाकार गणेश राई हङकङ प्रस्थान

काठमाडौ ं। हास्यकलाकार गणेश ईशारा राई हङकङ स्थित अक्टोबर १५ माहुने ‘गणेश इशारा राई एकलकमेडी शो’ कार्यक्रमको लागि मंगलबार हङकङ प्रस्थान गरेका छन् । कार्यक्रमलाई एभरेष्ट ईन्टरनेशनल ट्रेडिङ कम्पनीको प्रस्तुतिमा याक एण्ड यति रेष्टुरेन्ट हङकङले आयोजना गरेको हो । हङकङमा कलाकार इशाराले गाईजात्रा कोसेली ‘सदनहल र भट्टीपसल उस्तै’, ‘साधेतन्त्र’, ‘भद्रगोल डटकम’ प्रहसन प्रस्तुत गर्ने छन् । विगत २०५४ सालदेखि मुटु रोगी, मृगौला रोगी, बृद्ध आश्रामदेखि विभिन्न पिडितहरुको लागि आर्थिक सहयोग गर्दै आईरहेका समाजसेवी तथा कलाकार राईले आफ्नै हजुर आमाको नाममा बिरमाया राई ‘सोभोमा’ स्मृतिकोष स्थापना गरि बिभिन्न समस्यमा परेका दिनदुखी, असाहयहरुलाई यस्ता कार्यक्रमबाट संकलित रकम सहयोग गर्दै आएका छन् ।