राष्ट्रिय खेलकुद परिषदको स्वीकृती एवम बिशेष सहयोग तथा नेपाल कराते महासंघको तत्वाधानमा नेपाल सितोरियो कराते संघ शाखा डोजो नक्सालको २५ ओै वार्षिकोत्सवको अवसरमा आयोजित दशौ सगरमाथा अन्तर्राष्ट्रिय कराते प्रतियोगिता ( २०२४ मे १६ देखि १९ तारिख ) सन्चालन भई एक बिशेष समारोहका बीच सम्पन्न भएको छ । प्रतियोगितामा नेपाल सहित भारत,श्रीलंका र बंगलादेश खेलाडी,रेफ्री अफिशियल पदाधिकारी सहित करिव ३ हजार जना सहभागी भएको थियो । उक्त प्रतियोगितामा नेपालको तर्फबाट सर्वाधिक पदक जित्दै बौद्ध डोजो टिम प्रथम,भारत टीम दोस्रो र श्रीलंका टिम तेस्रो हुन सफल भयो । पुरुष र महिला दुवैमा नेपालका खेलाडीहरु क्रमश प्रभात रोका मगर र मिस्टी श्रेष्ठ उत्कृष्ट खेलाडी भए भने प्रज्ञा खपाङ्गी उदयीमान खेलाडी घोषित भईन । सहभागी सम्पुर्ण खेलाडी मध्ये बढी अंक हाशिल गरेको आधारमा उत्कृष्ठ छानिएका हुन भने उदयीमान खेलाडी प्रज्ञाले दोहोरो स्वर्ण पदक हाशिल गरेकी थिईन । त्यसैगरि नेपालको वागमती प्रदेश रसुवा र नुवाकोट जिल्ला कराते टिमले क्रमश उत्कृष्ट अनुशासित र फेयर प्ले टिमको अवार्ड हात पारे भने आयोजक नक्साल डोजोले बेष्ट मार्चपासमा चित्त बुझाए । तयसैगरि बागमती प्रदेशका सानोगौचरण डोजोले उत्कृष्ट उदयीमान टिम घोषित भए ।
उक्त कार्यक्रममा मित्र राष्ट्र दुवैमा भर्खरै सम्पन्न भएको दुवई बुदोकान कप अन्तराष्ट्रिय कराते प्रतियोगितामा नेपालको प्रतिनिधित्व गरी स्वर्ण पदक दिलाउन सफल खेलाडीहरु बुद्धीमान माझी,कुशल खत्री,दिज्ञ शाह,सोर्निमा सिंह ठकुरी र कास्य पदक विजेता प्रास्ना ढकाललाई सम्मान गरेका थिए ।
त्यसैगरि कराते क्षेत्रमा बिशिष्ठ योगदान पुर्याउने नेपाल कराते महासंघका सदस्य राम वहादुर सिंह ठकुरी,सल्लाहकार निवाश गोपाल बैध र कराते वरिष्ठ प्रशिक्षक आर.वि. गुरुङ्गलाई पनि सम्मान पत्रद्धारा सम्मान गरेका थिए ।
जेठ ४ देखि संचालन भएको उक्त प्रतियोगिताका बिजेता खेलाडी तथा सम्मानित ब्यक्तीत्वहरुलाई समापन समारोहका प्रमुख अतिथि राष्ट्रिय खेलकुद परिषदका सदस्य सचिव टंकलाल घिसिङग,नेपाल कराते महासंघका अध्यक्ष युवराज लामा,नेपाल सितोरियो कराते संघका अध्यक्ष दावा गुरुङग,आयोजक कमिटिका अध्यक्ष गजेन्द्र बहादुर खपाङ्गी ‘ ईश्वर’ अन्तराष्ट्रिय पाहुनाहरु लगायतले एक बिशेष समारोहबिच पुरस्कार बितरण गर्नुभयो । समापन समारोहलाई सम्वोधन गर्नुहुदै प्रमुख अतिथि घिसिङगले नेपाल सितोरियो कराते संघ शाखा डोजो नक्सालले २५ बर्षदेखि लगातार २५ वटा राष्ट्रिय तथा अन्तराष्ट्रिय प्रतियोगिताको सफल आयोजना गरेकोमा हार्दिक बधाई तथा शुभकामना ब्यक्त गर्नुभयो साथै राज्यले यस्तो प्रतियोगितालाई उचित सहयोग गर्ने समेत बताउनुभयो । विगत २५ वर्षदेखि निरन्तर रुपमा बिभिन्न राष्ट्रिय तथा अन्तराष्ट्रिय प्रतियोगिताहरुको सफल आयोजना गर्दै आईरहेको नक्साल डोजोको यो समग्रमा २५ ओै प्रतियोगिता हो । नेपाली कराते खेलको बिकाश,बिस्तार र समृद्धी को बाटोमा निरन्तर संलग्न नक्साल डोजोले दैनिक सयौं खेलाडीहरुलाई प्रशिक्षण दिँदै दर्जनौं राष्ट्रिय तथा अन्तर्राष्ट्रिय खेलाडी उत्पादन गरि हजारौं खेलाडी उत्पादन गर्दै देशका लागि निरन्तर योगदान पुरयाइरहेको छ । निरन्तर ३ दिन संचालित प्रतियोगिताको नेपाल सरकारका युवा तथा खेलकुद मन्त्री विराज भक्त श्रेष्ठले एक बिशेष समारोह विच उदघाटन गर्नुभएको थियो ।
जेठ ४ देखि ६ अर्थात (मे १६ देखि १९ )सम्म सन्चालन भएको प्रतियोगिता राष्ट्रिय खेलकुद परिषद्को कभर्ड हल दशरथ रंगशाला त्रिपुरेश्वरमा सञ्चालन भएको थियो ।
