गायक तथा संगीतकार सुमन कुमार श्रेष्ठको सक्दिन विर्सन बोल रहेको गीत सार्वजनिक भएको छ । गीतमा उनको आफ्नै शब्द तथा संगीत पनि रहेको छ । सांगितिक क्षेत्रमा लामै समय बिताईसकेका तर कमै मात्र आफ्नो सिर्जना बाहिर ल्याउने मध्यका एक गायक हुन श्रेष्ठ ।
पछिल्लो समय गायान तथा संगीतसंगै सञ्चारकर्मी तथा निर्देशनमा पनि सक्रिय गायक श्रेष्ठले यस भिडियोबाट संगीत संयोजक (एरेन्ज) तथा अभिनय क्षेत्रमा पनि आफ्नो पाइला अघि बढाएका छन् ।
अभिनयमा उनलाई मोडेल तथा नायिका उर्मिला विसिले साथ दिएकी छिन । गीतको मिक्सिङ मास्टरिङ चर्चित गायक रवि कुमार रिमालले गरेका छन भने गीतको सम्पूर्ण कार्य किर्तिपुर स्थित एबिक्यु रेकर्डिङ स्टुडियोमा गरिएको हो ।
गायक स्वयमकै कथा तथा निर्देशनमा तयार पारिएको यस भिडियोको छांयाकन एेतिहासिक नगरी किर्तिपुर लगायत काठमाण्डौको रमणीय स्थानहरुमा गरिएको छ । भिडियोको छांयाकन तिलक बुढाथोकी, सम्पादन निराजन के सि र मेकअप प्रिज्मा श्रेष्ठको रहेको छ ।
तेज नेपाल प्रोडक्सन तथा उर्मिला बिसिको प्रस्तुति रहेको भिडियोलाई तेज नेपालको अफिसियल युट्युब च्यानल मार्फत् सार्वजनिक गरिएको छ । अडियो भिडियोको कार्यमा सहयोग गर्नु हुने सम्पुर्णलाई गायक सुमन कुमार श्रेष्ठले हार्दिक कृतज्ञता व्यक्त गरेका छन । साथै अडियो भिडियोलाई सक्दो माया गरिदिनु हुन पनि गायक श्रेष्ठ तथा सम्पुर्ण टिमले अनुरोध गरेका छन ।
