विद्यार्थी कुट्ने शिक्षक पक्रउ

काठमाडौं । विद्यार्थी कुटपिट गरेको आरोपमा चन्द्रागिरि नगरपालिका वडा नं एक स्थिति श्रीकृष्ण माध्यामिक विद्यालयका शिक्षक एकराज पण्डित बिहीबार पक्राउ परेका छन्। पण्डितले कक्षा ८ मा पढ्ने छात्रा अस्मिता परियारमाथि कुटपिट गरेको आरोप छ। विद्यालयका प्रध्यानाध्यापक बलराम कार्कीका अनुसार शिक्षक पण्डितले दिउँसो ३ बजे कक्षामा छात्रा अस्मिता परियारको कानमा हिर्काएपछि अस्मिता बेहोस भएकी थिइन्। बेहोस भएकी अस्मिताको ओम समाज अस्पतालमा उपचार जारी छ। अहिले उनको होस खुलिसकेको बताइएको छ । कुटपिट गरेपछि विद्यालयले छात्राकी परिवारलाई बोलाएर प्रहरीलाई खबर गरेको थियो। शिक्षक एकराजले यसअघि पनि तीन जनामाथि कुटपिट गरेको आरोप लागेको थियो। त्यतिबेलामा पनि प्रहरीको रोहबरमा छलफल गरेपछि उनी छुटेका थिए।