‘शान्ति’को म्युजिक भिडियो सार्वजनिक

काठमाडौं । श्रीकृष्ण भारतीको निर्माणमा बनेको ‘शान्ति’ नामक म्युजिक भिडियो रहर म्युजिक क्रियशनको युट्युब च्यानलमार्फत् सार्वजनिक गरिएको छ । शनिवार चन्द्रागिरि नगरपालिका वडा नं १ दहचोकमा एक कार्यक्रम माझ चर्चित कलाकार दिपकराज गिरी एवं बरिष्ठ लोक सर्जक कृष्ण बस्नेतले संयुक्त रुपमा भिडियो सार्वजनिक गरेका हुन् । उक्त म्युजिक भिडियोको निर्देशन अंकित रोक्काले गरेका छन् । गीतको संगीत एवं शब्द रचना पनि निर्माता भारतीकै रहेको ‘शान्ति’मा शुष्मा विशंखेको स्वर रहेको छ । गीतको भिडियोमा सविना गोपाली र अंकित रोक्काले अभिनय गरेका छन् । छायाँकन तथा सम्पादन अनुज सुनारको रहेको छ ।