हसना भास्तिपुर साकोस सम्मान योग्य साकोस

काठमाडौं । मुलुकमा सहकारी क्षेत्र बद्नाम भइरहेको बेला हसना भास्तिपुर बचत तथा ऋण सहकारी संस्था लि. बलम्बु, चन्द्रागिरि, काठमाडौंले सम्मान योग्य काम गरेर देखाएको छ ।
हालै चन्द्रागिरिमा स्थित चतांमरी द नेवारी रेष्टुरेन्टमा संस्थाद्वारा आयोजित कार्यक्रममा संस्थासँग आवद्ध ज्येष्ठ सदस्य क्लब नं. ३ नयाँ नैकाप समूहका ज्येष्ठ सदस्यहरुलाई सहकारीमा कारोवार गर्दा ध्यान दिनुपर्ने विभिन्न पक्षहरु बारे जानकारी गराउदै ज्येष्ठ सदस्यबारे संस्थाले खेल्नुपर्ने भूमिकाको बारेमा पनि परामर्श लिएको थियो । सोही बमोजिम सहकारी अगाडी बढ्ने समेत प्रतिवद्धता जनाएको छ । कार्यक्रममा संस्थाका अध्यक्ष नारायण कृष्ण महर्जनले वर्तमान अवस्थामा विभिन्न सहकारीहरुमा समस्या देखेतापनि हसना भास्तिपुर साकोसमा समस्या नदेखिएको, संस्थामा कारोबार गर्ने कारोवारीहरुलाई साविककै रुपमा सेवा प्रदान गर्दै आइरहेको र अन्य सहकारीमा जस्तो हसना भास्तिपुर साकोसमा समस्या नभएको समेत जानकारी दिए भने त्यसको परिणाम स्वरुप हाल पनि विभिन्न सेवामुलक कार्यक्रमलाई निरन्तरता दिइरहेको बताए । हल्लाको पछाडी नलागि सम्बन्धित कारोवारीलाई हसना भास्तिपुर साकोसमा निरन्तर रुपमा कारोवार गरिरहन समेत आग्रह गरे । कार्यक्रममा संस्थाका सचिव तथा प्रवन्ध संचालक सम्पूर्ण महर्जनले संस्थाको स्थापना कालदेखि हाल सम्मको गतिविधी सक्रियताको विषयमा उपस्थित ज्येष्ठ सदस्यहरुलाई जानकारी दिएका थिए । कार्यक्रममा क्लब नं. ३ का ज्येष्ठ सदस्य दिलमाया महर्जन प्रमुख अतिथी र कमला नकर्मीलाई सभाका सभापतिका रुपमा आशन ग्रहण गराइएको थियो । साथै कार्यक्रममा संस्थाका कर्मचारीहरुले एक नाटक समेत प्रस्तुत गरि संस्थामा कसरी प्रस्तुत हुने भन्ने वारे उपस्थित ज्येष्ठ सदस्यहरुलाई बुझाउने प्रयास गरेका थिए भने सदस्यहरुले प्रफुल्लित मुद्रामा नाटकको आनन्द लिएका थिए । साथै कार्यक्रममा ज्येष्ठ सदस्यहरुलाई सम्मान प्रदान गरि मायाको चिनो समेत प्रदान गरिएको थियो ।