राजनीतिक संकट उत्पन्न हुने कदम नचाल्न राष्ट्रपति भण्डारीलाई अध्यक्ष प्रचण्डको आग्रह

प्रधानमन्त्री एवं पार्टी अध्यक्ष केपी शर्मा ओलीसँगको भेटमा दल विभाजन सम्बन्धि अध्यादेशको जानकारी पाएका प्रचण्ड लगत्तै राष्ट्रपति भण्डारीलाई भेट्न शीतल निवास पुगेका थिए ।

राष्ट्रपति भण्डारीसँग झण्डै १ घन्टा संवाद गरेर प्रचण्ड फेरि स्थायी कमिटीको बैठकमा बालुवाटार बसेका छन् । अहिले प्रधानमन्त्री र राष्ट्रपतिसँगको भेटबारे प्रचण्डले जानकारी दिँदै छन् ।

भेटमा आफूले राजनीतिक संकट उत्पन्न हुने कदम नचाल्न राष्ट्रपति भण्डारीलाई आग्रह गरेको बैठकमा प्रचण्डले जानकारी गराएका छन् ।

त्यसपछि बैठक आज अगाडि बढाउने वा के गर्ने भन्ने विषयमा छलफल हुने एक स्थायी कमिटी सदस्यले जानकारी दिए । प्रधानमन्त्री ओलीले आफ्नै पार्टीका नेताहरु दिल्लीबाट सञ्चालित भएको आरोप लगाएपछि नेकपाभित्रको विवाद उत्कर्षमा छ ।