पछिल्लो २४ घन्टामा देशभर गरिएको परीक्षणमा थप एक सय १८ जनामा कोरोना संक्रमण पुष्टि भएको छ ।
योसमेत हालसम्म नेपालमा संक्रमितको संख्या १६ हजार ६ सय ४९ पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार देशभरका २५ वटा प्रयोगशालामा चार हजार आठ सय ६ जनाको नमुना परीक्षण गरिएको थियो ।
यो अबधिमा एक सय २० जना संक्रमणमुक्त भई डिस्चार्ज भएको मन्त्रालयका प्रवक्ता डा जागेश्वर गौतमले जानकारी दिए ।
हालसम्म डिस्चार्ज हुनेको संख्या आठ हजार ११ पुगेको छ । गौतमले निको हुने दर नेपालमा ४८ दशमलव १ रहेको बताए ।
संक्रमित भई आइसोलेसनमा बस्नेको संख्या आठ हजार ६ सय तीन र क्वारेन्टाइनमा बस्नेको संख्या २३ हजार नौ सय १० रहेको मन्त्रालयले जनाएको छ ।
Facebook Comments Box
