लण्डन म्याराथनमा नेपालको प्रतिनिधित्व गर्दै भेट्रन धावक महर्जनले जनाए सहभागिता

लण्डन । नेपाली एथलेटिक्स भेट्रान धावक धर्म महर्जनले हालै सम्पन्न लण्डन म्याराथुनमा सहभागी भई २ घण्टा ४७ मिनेट २० सेकेण्डमा दौड पुरा गरेका छन् । महर्जनले आफ्नो उमेर समुहमा ९१ औं र सहभागी प्रतिष्पर्धी मध्ये ६६१ औं स्थान कायम राखेका थिए । प्रतियोगितामा करिव ४० हजार खेलाडिहरुले सहभागिता जनाएका थिए । लण्डन म्याराथन विश्वकै प्रतिष्ठित म्याराथन मध्ये एक हो । भेट्रान धावक महर्जनले लण्डन म्याराथनमा ४५ वर्ष माथिको उमेर समुहबाट नेपालको प्रतिनिधित्व गरेका थिए । यसअधि उनले विश्वकै प्रतिष्ठित बोस्टर्न म्याराथन र बर्लिन म्याराथनमा समेत सहभागीता जनाई सकेका छन् भने नेपालमा आयोजित रष्ट्रिय प्रतियोगिताहरुमा समेत उनले उत्कृष्ट प्रदर्शन गर्दै आइरहेका छन् ।