गगनले दिए देउवालाई बधाई, भने- मलाई अपेक्षाभन्दा थोरै मत आयो

नेपाली कांग्रेसका महामन्त्री गगन थापाले संसदीय दलमा निर्वाचित सभापति शेरबहादुर देउवालाई बधाई दिएका छन्। बुधबार संसदीय दलको मतपरिणाम सार्वजनिक भएपछि पत्रकारहरूसँग कुरा गर्दै उनले देउवाको जिम्मेवारी गौरवमय बन्ने अपेक्षा गरेको बताए।

‘संसदीय दलको नेतामा पटक-पटक चयन हुनुभएका सभापति यसपटक पनि निर्वाचित हुनुभएको छ। उहाँलाई शुभकामना छ। उहाँको जिम्मेवारी अब उन्नत र गौरवमय बनोस्,’ उनले भने। निर्वाचन परिणामलाई स्वीकार गर्दै सांसद र महामन्त्रीको भूमिका प्रभावकारी रूपमा अघि बढाउने थापाले बताए।

पराजित भएर पनि संसदीय दलमा उठेर आफूले मतदाताहरूसँग गरेको वाचा पूरा गरेको उनको भनाइ छ।