काठमाडौं । गायक जय खडगी ‘जिमी’को स्वर समेटिएको ‘हेलम्बुको स्याउ मिठो’ बोलेको गीतको म्युजिक भिडियो सार्वजनिक भएको छ । गायक तथा सञ्चारकर्मी सुमन कुमार श्रेष्ठको निर्देशनमा तयार पारिएको म्युजिक भिडियोमा गायक खड्गीलाई डोल्मा शेर्पाले अभिनयमा साथ दिएकी छन् । बिक्रम थापाको संगीत तथा आतिस लामाको शब्द रहेको गीतमा काठमाडौंको छेउ हिमालसंगैको ठाँउहरुको मनोरम दृश्यहरु कैद गर्दै प्रस्तुत गरिएको छ । भिडियोमा राजु केसिको सिनेम्याटोग्राफी नविन चौधरीको सम्पादन तथा रंग संयोजन रहेको छ ।
स्वयं गायक जय र मोडेल डोल्माको अभिनयसंगै भुमिका लामा, समीक्षा अधिकारी, स्मृति राई, सम्झना मगर लगायत रोशनी लामा र सुजन तामाङले बाल कलाकारको रुपमा अभिनय गरेका छन् । भिडियोमा आफ्नो सानै देखिको मायालाई पर्खेर बसेको एक युवक र युवतीको प्रेम कथामा आधारित रहेर भिडियोलाई सकेसम्म न्याय दिन खोजेको निर्देशक सुमन कुमार श्रेष्ठले बताए ।
तेजस्वी कला केन्द्र एण्ड मिडिया तथा तेजनेपालको प्रोडक्सनमा तयार पारिएको भिडियोलाई गायक जय खड्गी ‘जिमी’को अफिसियल युट्युब च्यानल मार्फत तमु ल्होसारको अवसरमा सार्वजनिक गरिएको हो ।
