चलचित्र सिक्कुमको गीत सार्वजनिक

काठमाडौं १९ असोज । त्रिकोणात्म प्रेमकथामा आधारित नेपाली चलचित्र ‘सिक्कुम’को यतिबेला राजधानीमा स्वराङ्कन भैरहेको छ भने चलचित्रको एउटा गीत सार्वजनिक भएको छ । पूर्विनेपालको बिभिन्न स्थानमा छायांकन गरिएको ‘सिक्कुम’मा राज श्रेष्ठ, पवित्रा लिम्बु, सविना लिम्बु, राज लिम्बु, लक्ष्मण पुन्य लामिछाने, कोपिला शाक्य, टेकराज लिम्बु, डम्बर कुमारी पयङ्गो, भविन्द्र लिम्बु, कुबेर देवान आदिको अभिनय रहेको छ । चलचित्रमा रहेको शीर्ष गीत ‘लाग्दैन निदरी’ साईराम पिक्चर्सले सार्वजनिक गरेको छ । टेक बिक, बेनिशा पौडेलको स्वर, भिम बिसिको शब्द, संगीत रहेको गीतको भिडियो शुक्रबार सार्वजनिक भएको हो । राज फिल्मस् प्रालिको ब्यानरमा निर्मित सिक्कुममा मिना कुमारी लिम्बु निर्माता, डम्बर कुमारी लिम्बु, कोपिला शाक्य र चन्द्रकला सुब्बा सह निर्माता रहेको ‘सिक्कुम’ का निर्देशक सुर्य बुढाथोकी हुन् ।