काठमाडौं । लिग चरणको अन्तिम खेलमा भारतसँग ४–० ले पराजित भएपछि नेपाल साफ यू–१९ महिला च्याम्पियनसिपको फाइनल पुग्न असफल भएको छ ।
बंगलादेशको ढाकास्थित वीर श्रेष्ठ सहिद सिपाही मुस्ताफा कमल रंगशलामा भारतलाई जित दिलाउन नेहाले दुई गोल गर्दा सुलन्जना राहुल र सिन्डी कोल्नीले एक गोल गरे । नेपालले चारै गोल दोस्रो हाफमा बेहोरेको थियो ।
निर्धारित समय सकिन पाँच विकेट बाँकी छँदा सुलन्जनाले गोल गरेपछि भारत ३–० ले अगाडि बढ्यो । इन्जुरी समयमा सिन्डीले गोल गर्दै भारतलाई ४–० को सहज जित दिलाइन् ।
पहिलो खेलमा बंगलादेशसँग ३–१ ले पराजित नेपालले दोस्रो खेलमा भुटानलाई १–० ले हराएको थियो । भारतले पहिलो खेलमा भुटानलाई १०–० ले हराउँदा दोस्रो खेलमा बंगलादेशसँग १–० ले पराजित भएको थियो । जितसँगै भारत प्रतियोगिताको फाइनलमा प्रवेश गरेको छ । भारतले अब उपाधिका लागि बंगलादेशसँग खेल्ने छ ।
