चलचित्र ‘घरज्वाइँ’ प्रदर्शनको व्यापक तयारी

काठमाडौं । सामाजिक कथामा आधारित चलचित्र घरज्वाइँको प्रदर्शनको व्यापक रुपमा तयारी भइरहेको छ । यो चलचित्र यही असार २८ गते शुक्रबारदेखि देशव्यापी रुपमा हलहरुमा आउँदैछ । अनिल बु्ढामगरको निर्देशन र जनक घर्तीमगर निर्माता रहेको यस चलचित्रका मुख्य कलाकारहरुमा दयाहाङ राई, मिरुना मगर, बुद्धि तामाङ, पुष्कर गुरुङ, शिशिर बाङ्देल, कविता आले, राज थापा, शिला खनाल, खड्गबहादुर पुन, सुनिल मगर, अनु थापा, बिना थापा, विवेश बुढा लगायत रहेका छन् । यो चलचित्रमा मनोज थापा र एस.डी योगीले संगीत दिएका छन्, थापा योगीले नै गीत पनि गाएका छन् । गीतमा हर्क साउद र राम अविरलको शब्द रहेको छ । चलचित्रको छायाँकन सुसन प्रजापति र सम्पादन कृष्ण भण्डारीले गरेका छन् । यस चलचित्र ‘घरज्वाइँ’मा अनिल बुढामगरको कथा, अनिल बुढामगर, बिनोद खड्का र सुभास कोइरालाको पटकथा तथा सम्वाद रहेको छ । जिएम मुभिज्को व्यानरमा निर्माण भएको यस चलचित्रमा फिरोज खड्का मुख्य सहायक निर्देशक र धनबहादुर राई निर्माण नियन्त्रक रहेको निर्माता जनक घर्तीमगरले जानकारी दिए । यो चलचित्रको वितरण आरआर फिल्मस्ले गर्दैछ । आरआर फिल्मस्का अध्यक्ष रत्न श्रेष्ठले ‘घरज्वाइँ’ राम्रो चलचित्र भएकाले दर्शकहरुले मन पराउने विश्वास व्यक्त गरे ।