प्रस्तोता प्रतिष्ठानको आयोजनामा कलाकर्मीव्दारा रक्तदान

काठमाडौं। कलाकारको हकहितका लागि खोलिएको राष्ट्रिय श्रष्टा तथा प्रस्तोता प्रतिष्ठान लगायत बिभिन्न संस्थाहरुको सहकार्यमा असार ८ गते शनिवार रक्तदान कार्यक्रम सम्पन्न भएको छ । रक्तदान कार्यक्रममा ५५ जना रक्तदाताहरुले रक्तदान गरेका थिए भने कार्यक्रममा रक्तदानसँगै आँखा तथा दाँतको निःशुल्क शिबिर संचालन गरिएको थियो । शिबिरमा ५०० भन्दाबढि सेबाग्राहीले सेवा लिएका थिए । रक्तदान कार्यक्रममा बिभिन्न क्षेत्रका ब्यक्तिहरु, चर्चित कलाकारहरु संगीतकार राजेन्द्र बजगाई, लोकप्रिय गायक नारायण थापा, पुष्कर सुनुवार, मोडल प्रतिक्षा काफ्ले, गोपाल ढकाल ‘छन्दे’ लगायत बिधार्थीहरुको सहभागीता रहेको थियो । उक्त सहभागीताले आफुलाई यस्ता सेवा दिने कार्यहरु गरिरहन थप हौसला मिलेको राष्ट्रिय श्रष्टा तथा प्रस्तोता प्रतिष्ठानका अध्यक्ष, कोषाध्यक्ष र सम्पुर्ण प्रतिष्ठानका सदस्य लगायत सहकार्य गरेका बिभिन्न संघ संस्थाहरुले बताए । ‘संस्थाबाट यस्ता प्रकारका कार्यक्रमहरु अझै छन् ति कार्यक्रमहरु पनि समय समयमा ल्याइरहने छौ’ संस्थाका महासचिव तथा चर्चित सङ्गीतकार दिपक शर्माले जानकारी गराउनुभयो ।