गीतकार प्रमिला वस्तीको गीत माया गर्छु सार्वजनिक

एक शसक्त नारी गीतकार प्रमिला वस्तीको सुन्दर शब्द रचनामा रहेको गीत माया गर्छु भन्न पनि गीतको म्युजिक भिडियो सार्वजनिक भएको छ । पेशाले मनोविद्ध समेत रहनु भएकी गीतकार वस्तीको उक्त गीत माया प्रेम भावमा सजिएको छ । गायिका रचना रिमालको स्वरमा रहेको गीतमा विश्वनाथ प्रेमको संगीत रहेको छ । किरण कडेलको संगीत संयोजन रहेको गीतलाई चर्चित र व्यस्त निर्देशक कृण्णदेव रुपाखेती निर्देशन गरेका छन् । शम्भु तण्डुकारको मिक्सिङ मास्टरिङ रहेको गीतमा गरिमा शर्मा र प्रभात पाल ठकुरीले अभिनय गरेका छन् । गीतकार प्रमिला वस्तीको निर्माणमा तयार पारिएको गीतलाई उत्सव दाहालको छांयाकन, राहुल बराईलीको कोरियोग्राफी,विकाश ज्ञवालीको सम्पादन रहेको छ । ओएसआर डिजिटलबाट सार्वजनिक भएको गीतलाई दर्शक श्रोताहरुले एकदमै रुचाईरहेको गीतकार वस्ती बताउनु हुन्छ । गीत युवापुस्तालाई लक्षित गरि निर्माण गरिएको निर्देशक रुपाखेतीले बताउनु भयो । समसामयीक विषयमा गीत लेख्न खप्पिस गीतकार वस्ती गीत संगीत भनेको समाजको ऐना हो । गीत संगीतले देश समाजलाई हरेक क्षेत्रलाई प्रोत्सान गरिरहेको हुन्छ । त्यसैले हामीले गीत संगीतलाई हल्कारुपमा लिनुहुदैन । गीत संगीत मनोरञ्जनको साथसाथै देश समाजको ऐना हो । मेरा गीतहरुमा दर्शक श्रोताहरुले ति सबै पाउनु हुन्छ । माया गर्छु भन्न पनि यस्तै रमाईलो र सबैलाई मन पर्ने गीत हो । छोटो समयमा दर्शक श्रोताहरुले गीतलाई मनपराईदिनु भएकोमा खुसी लागेको छ ।