विश्व विजेता धावक निवेश गुरुङलाई नेपालमा सम्मान गरिंदै

काठमाडौं । प्रयास मञ्च नेपालले आगामि असोज ३ गते तेह्रौ बुुद्धवीर लामा एकल गीतिमय साँझ तथा सम्मान कार्यक्रम आयोजना गर्ने भएको छ । बरिष्ठ गीतकार लामाले रचना गरेका एक गीतहरुलाई विभिन्न गायक गायिका हरुले कार्यक्रममा प्रस्तुत गर्नुका साथै विभिन्न सांस्कृति कार्यक्रम समेत गरिने आयोजक संस्थाले जानकारी गराएको छ । सयैगरी कार्यक्रममा देश तथा विदेशमा रहेर नेपाललाई चिनाउन समफल विभिन्न क्षेत्रका व्यक्तित्वहरुलाई सम्मान गर्ने कार्यक्रम पनि रहेको छ । यस वर्ष सिंगापुर पुलिसमा इन्स्पेक्टर भएर हाल सेवा निवृत्त नेपाली धावक निमेश गुरुङलाई सम्मान गरिने भएको छ । अमेरिका र चीनमा सम्पन्न भएको प्रहरी संगठनको विश्वस्तरीय हाफ म्याराथुन र १० किलोमिटर दुरीको दोड प्रतियोगितामा तीन पटक गोल्ड मेडल जित्न सफल भएर नेपाल र नेपालीको नाम विश्वस्तरमा चिनाउन योगदान दिएवापत गुरुङलाई सम्मान प्रदान गर्न लागिएको संस्थाका अध्यक्ष शिवध्वज कार्कीले बताउनु भयो । यसैगरी डायस्पोरा गीतकार गणेश श्रेष्ठ, अमेरिकाका गायक तथा संगीतकार आधार तुम्बाहाम्फे, बरिष्ठ गीतकार मुकेश राई, वरिष्ठ समाजसेवी कल्पना गुरुङ, दार्जलिङका शिक्षासेवी पाल्देन लामा, विना तामाङ, हास्यकलाकार महेन्द्र बागदास, द भ्वाई अफ किड्स नेपालकी प्रतिभा अस्मि खबास, लोकप्रिय गायिका शोभा प्रधान, दक्षिण एशियाली खेलकुदमा किर्तिमानी धावक बैकुण्ठ माननन्धर,म्याराथन धावक शम्भू दाहाल लगायतलाई सम्मान गरिने कार्यक्रम रहेको छ ।