काठमाण्डौं, रुकुम चौरजहारी, सोती घटनाको निष्पक्ष छानबिन गरी सत्य तथ्य बाहिर ल्याउन विशेष छानबिन समितिका संयोजक देवेन्द्र पौडेलको टोली आज रुकुम जादै‘छ ।
सोती घटना छानबिनका लागि ५ दिन छानबिन समिति गठन भएको थियो। समितिले आजबाट घटनास्थलमा गएर आफ्नो काम गर्ने भएको छ ।
समितिका संयोजक देवेन्द्र पौडेलले निष्पक्षरुपमा घटनाको सत्य, तथ्य छानबिन, अध्ययन गरेर सत्य कुरा जे हो त्यो बाहिर ल्याउने बताएका छन । रुकुम घटनाको अनुसन्धानका लागि सांसद पौडेलको संयोजकत्वमा ९ सदस्यीय छानबिन समिति गठन भएको थियो। छनविन समितिमा एकवाल मियाँ, दुर्गा पौडेल, पार्वतीकुमारी विशुन्के, प्रकाश रसाइली, विमला बिक, महेश्वरजंग गहतराज, मिनबहादुर बिश्वकर्मा र रामसहायप्रसाद यादव सदस्य छन्। उनीहरुले ३० दिनभित्र आफ्नो काम सक्नु पर्नेछ, सोही अनुसार आज छानबिन टोली त्यसतर्फ जान लागेको हो । सेतीमा अन्तरजातीय प्रेमको विषयमा नवराज विक सहित ६ जनाको जेठ १० गते सामूहिक हत्या भएको थियो।
