काठमाडौं, इण्डोनेशियासँग नेपालले लज्जास्पद हार व्यहोरेको छ । कुवेतस्थित जाबिर अल अहमद मैदानमा गएराती सम्पन्न खेलमा नेपाल इन्डोनेशियासँग ७-० गोलको फराकिलो अन्तरले पराजित भएको हो ।
एएफसी एशियन कप २०२३ को छनौट समूह चरणका सबै तीन खेलमा हार व्यहोर्दै नेपाल अंकविहिन बनेको छ । डिफेन्डर सुमन अर्याल दोहोरो पहेंलो कार्ड खाँदै मैदान बाहिरिएपछि पहिलो हाफदेखि नै दश खेलाडीमा सीमित नेपालले आफ्नो अन्तिम खेल ७-० गोल अन्तरले गुमाएको हो ।
पहिलो खेलमा जोर्डनसँग २-० गोलले पराजित नेपालले कुवेतसँगको खेल ४-१ गोलले गुमाएको थियो । खेल समाप्तीसँगै समह ए मा जोर्डन ९ अंकका साथ शीर्ष स्थानमा छ भने ६ अंकसहित इन्डोनेशिया दोस्रो र तीन अंकसहित कुवेत तेस्रो स्थानमा रहेका छन् । नेपालले भने अंकविहिन हुँदै आफ्नो छनौट यात्रा अन्त्य गरेको छ ।
Facebook Comments Box
