निर्देशक बबिता श्रेष्ठको संयोजनमा दशैं शुभकामना आदान, प्रदान

काठमाडौं । नेपाल सङ्गीत तथा नाट्य एकेडेमीका उपकुलपति बरिष्ठ कलाकार हरिहर शर्माको प्रमुख आतिथ्यतामा नेपाल म्युजिक भिडियो निर्देशक समाजको आयोजना तथा चर्चित निर्देशक बबिता श्रेष्ठको संयोजनमा सम्पन्न कार्यक्रममा बडादशैंको शुभकामना आदानप्रदान तथा स्रष्टा सम्मान कार्यक्रममा संरक्षक बाबुराम केसी, सल्लाहकारमा नारायण रायमाझी, ओम अग्रवाल शीव बिक रहनु भएको छ । कार्यक्रममा सहेन्द्र श्रेष्ठ, संगीता श्रेष्ठ र प्रकाश भट्ट सम्मानित हुनु भएको थियो । कलाकार दिपाश्री निरौला, चलचित्र कलाकार संघका अध्यक्ष रबिन्द्र खड्का, चलचित्र निर्देशक समाजका महासचिव जनक दिप पराजुली, पत्रकार एवं गीतकार सुमन बैरागी पण्डित, चलचित्र नृत्य संघका महासचिव दीपेन्द्र तिमल्सिना लगायतका ब्यक्तिहरुको उपस्थित रहेको थियो । कार्यक्रममा समाजको साधारण सदस्यलाई प्रमाणपत्र वितरण गरिएको थियो ।