पोखरा- गण्डकी प्रदेशमा जारी नवौं राष्ट्रिय खेलकुद प्रतियोगिताको आज समापन हुँदैछ । राष्ट्रिय खेलकुद प्रतियोगिता पोखरा रंगशालामा बिहीबार विशेष समारोहबीच समापन गरिनेछ ।
समापनमा समारोहमा प्रधानमन्त्री शेरबहादुर देउवाको उपस्थिति हुने आयोजकले जनाएको छ । राष्ट्रिय खेलकुद ‘एकताबद्ध देश, खेलकुदको सन्देश’ भन्ने नाराका साथ असोज २८ गते औपचारिक उद्घाटन भएको थियो ।
पोखरा रंगशालामा पुरुष फुटबल फाइनल खेलपछि ४ बजेबाट समापन समारोह सुरु हुनेछ । समाराेहमा सहभागी टिमको मार्चपास, लाकार प्रकाश सपुत र मिलन नेवाको सांगीतिक प्रस्तुती पनि रहने आयोजकले जनाएको छ ।
समापन समारोहमा दशौं संस्करणको राष्ट्रिय खेलकुद प्रतियोगिता आयोजक कर्णाली प्रदेशलाई झण्डा हस्तान्तरण गरिने छ । दशौं संस्करण २०८१ सालमा आयोजना हुने भएको छ ।
Facebook Comments Box
