काठमाडौं । यतिबेला देश निर्वाचनमय भइरहेको छ । उम्मेदवारहरु अ—आफ्नो तरिकाबाट जितको दावी गरिरहेका छन् । यसै क्रममा ललितपुर क्षेत्र नं ३ (ख) का प्रदश सभा सदस्य राप्रपा उम्मेदवार सविनकुमार खड्का आफू जित नजिक पुगिसकेको दावी गर्छन् । उनको भनाई छ —‘म यस क्षेत्रमा जित नजिक पुगि सकेको छु, मतदाताको घरदैलोमा पुग्दा यस पटक राप्रपालाई हेर्छौं भनिरहेका छन् ।’
‘राप्रपाको जित समस्त हिन्दूवादीको र राजसंस्थावादीको जित हो ।’ उम्मेदवार खड्का भन्छन् ‘यस पटकको निर्वाचनमा राप्रपाको पक्षमा जनलहर आइरहेको छ । राप्रपाको एजेण्डाप्रति मतदाताहरु सहमत हुँदै गएका छन् ।’ ‘राप्रपा भनेको राष्ट्रवादी र विकासवादी पार्टी भएकाले यस क्षेत्रमा राप्रपाले जित्ने पक्का छ । म यस क्षेत्रमा नयाँ अनुहार होइन, विगतमा पनि म यस क्षेत्रका जनता माझ सुख दुःख साटासाट गर्दै आएको छु । उम्मेदवार खड्का भन्छन् ‘ अध्यक्ष राजेन्द्र लिङदेनले एक रुपैयाँ घुष खानु भनेको आमाको रगत खानु सरह हो भनेर जुन अभिव्यक्ति दिनु भएको छ, त्यो हाम्रो लागि गौरवको विषय हो, अन्य दलका नेता यस्तो भन्न सक्दैनन् ।’
