काठमाडौं । थाइल्याण्डको राजधानी बैंककमा नोभेम्वर २० मा हुन लागेको ‘बैंकक म्याराथन २०२२’ मा सहभागी हुन नेपालका भेट्रान धावकहरु धर्म महर्जन र लाक्पा शेर्पा लामा बिहीबार थाइल्याण्ड तर्फ प्रस्थान गरेका छन् । दुवै खेलाडिलाई बुधबार दशरथ रंगशालामा एक कार्यक्रका बीच किर्तिमानी धावक बैकुण्ठ मानन्धर एवं स्वयंभू एथलेटिक्स ट्रेनिङ सेन्टरका खेलाडिहरुले संयुक्त रुपमा बिदाई गरेका थिए । धावक धर्म महर्जनले यसअघि सन् २०१५ मा पनि बैंकक म्याराथनमा सहभागी भई पाँचौं स्थानमा पुग्न सफल भएका थिए । महर्जनले केही समय अघिमात्र लण्डन म्याराथन र नेपालमा भएका थुप्रै दौड प्रतियोगिताहरुमा सहभागीता जनाएर उत्कृष्ठ प्रदर्शन गर्दै आएका छन् भने धावक लाक्पा शेर्पा लामाले एमरेष्ट म्याराथन लगायतका प्रतियोगिताहरुमा सहभागीता जनाएका छन् ।
Facebook Comments Box
