श्रीकृष्ण प्रणामी मन्दिर दहचोकमा सप्ताहव्यापी प्रवचन कार्यक्रम

काठमाडौं । गत वर्षहरु झैं यस वर्ष पनि श्रीकृष्ण प्रणामी मन्दिर दहचोकको अठ्ठाइसौं वार्षिकोत्सवको शुभअवसरमा गत वैशाख ९ देखि सप्ताहव्यापी प्रवचन कार्यक्रम भइरहेको छ ।
च.न.पा १ दहचोक काठमाडौंमा भइरहेको सो प्रवचन कार्यक्रममा श्रीकृष्ण प्रणामी समाजका प्रवक्ता विद्या वाचस्पती पंडित कृष्णप्रसाद सापकोटा ज्यूबाट श्रीमदभागवत कृष्ण कथा वाचन भइरहेको छ भने विद्धवान प्रचारक श्री विरहिन भानु ज्यूबाट श्री भत्तारतम् सागर व्रम्हवाणी कार्यक्रम भइरहेको छ । कार्यक्रमलाई भजनमय बनाउन संगीतज्ञ माधवप्रसाद सापकोटाको समूहले किर्तनमय बनाइरहेको आयोजकले जनाएको छ । आगामी वैशाख १५ सम्म हुने सो कार्यक्रममा भक्तजनहरुले प्रवचनकर्ता विद्धवानहरुबाट आध्यात्मिक लाभ लिइरहेको र सुखानुभूति प्राप्त गरिरहेको आयोजक संस्था श्रीकृष्ण प्रणामी मन्दिर दहचोकले जनाएको छ ।