विश्व सितोरियो करातेबाट दावा गुरुङगलाई अधिकार प्राप्त

सितोरियो करातेको सर्वोच्च निकाय विश्व सितोरियो कराते महासंघ ( World Shito-Ryu Karate Federation ) वाट नेपाल सितोरियो कराते संघका बर्तमान अध्यक्ष एवम सितोरियो करातेका संस्थापक सदस्य दावा गुरुङगलाई मान्यता प्रदान गरेको छ । विश्व सितोरियो कराते महासंघका अध्यक्ष ईवाता गेन्जो द्धारा हस्ताक्षर गरिएको पत्रमा नेपाल सितोरियो कराते संघका अध्यक्ष दावा गुरुङ्ग लाई नेपालमा हुने सितोरियो कराते सम्वन्धि सम्पुर्ण गतिविधि सहित कार्य गर्न / गराउन अधिकार प्रदान गरिएको छ ।यस अघि संघले महत्वपुर्ण निर्णय सहित आफ्ना भावी निति,कार्यदिशा,योजना र स्पष्ट लक्ष सहित ४७ ओैं केन्द्रिय बैठक सम्पन्न गरेको छ । उक्त बैठकले यही भदौ २० गते खेलकुद ऐन -२०७७ र नेपाल कराते महासंघको संशोधित बिधान अनुशार जिल्ला,प्रदेश र केन्द्रिय कार्यसमिति पुनर्गठन गरि ,हालको बिधान संशोधन सहित केन्द्रिय अधिवेशन ( निर्वाचन ) गर्ने निर्णय गरिसकेको छ ।