इटाली पठाउँछु भनेर ठगेको आरोपमा पक्राउ

काठमाडौँ । इटाली पठाउँछु भनेर ठगेको आरोपमा प्रहरीले काठमाडौँको कीर्तिपुरबाट एक जनालाई पक्राउ गरेको छ । पक्राउ पर्नेमा कालिकोटको तिलागुफा नगरपालिका घर भएर कीर्तिपुर बस्ने विष्णुऋषि पाण्डे छन् । ५२ वर्षीय पाण्डेले वैदेशिक रोजगारीका लागी इटाली पठाउँछु भनेर तिर्थबहादुर थापासँग  ४ लाख ५० हजार ठगेको उपत्यका अपराध अनुसन्धान कार्यालयका एसपी मिलन केसीले रातोपाटीलाई बताए । इटाली जान ८ लाख लाग्ने र मासिक १ लाख कमाई हुन्छ भन्ने आश्वासन देखाएर पाण्डेले ठगी गरेका हुन् । उनलाई थप अनुसन्धान र कारवाहीका लागी वैदेशिक रोजगार विभागमा पठाइएको एसपी केसीले जानकारी दिए ।