सेयर बजारमा हरियाली : : ५४ अंकमाथिले नेप्से बढ्दा ८ अर्बको कारोबार

काठमाडौँ । सेयर बजारमा तीव्र उत्साह बढेको छ । घट्दो बैंक ब्याजदर र प्राप्त तरलताका कारण लगानीकर्ताहरु उत्साहित हुँदा बजार बुम–बुम भएको हो ।

नेपाल स्टक एक्सचेञ्जका अनुसार आज ८ अर्ब २ करोड ३८ लाख ६२ हजार रुपैयाँ बराबरको २ करोड ३३ लाख ७० हजार कित्ता सेयर दोस्रो बजारमा कारोबार भएको छ ।

यसदिन १३ वटै उपसूचक धनात्मक हुँदा अधिकांश उपसूचक २ प्रतिशत माथिले बढेका छन् । फाइनान्स समूह ४.७५ प्रतिशतले बढेको छ भने इनभेष्टमेन्ट समूह ३.७० प्रतिशतले, हाइड्रोपावर समूह ३.५१ प्रतिशतले र माइक्रोफाइनान्स समूह ३.०२ प्रतिशतले बढेको छ । अरु बाँकी उपसमूह २ प्रतिशत कमले बढेका छन् ।