काठमाडौं । माल्टा पठाउने आश्वासन दिएर ठगी गरेको आरोपमा प्रहरीले एक युवतीलाई पक्राउ गरेको छ । पक्राउ पर्नेमा पाल्पाको बग्नासकाली गाउँपालिका–१ की ३० वर्षीया मायादेवी राना रहेकी छन् । मायादेवीले माल्टा पठाउने आश्वासन दिएर ४३ लाख रुपैयाँ ठगी गरेको आरोप लागेको छ । उनलाई स्वयम्भूबाट पक्राउ गरिएको उपत्यका अपराध अनुसन्धान कार्यालयले जनाएको छ ।
प्रहरीका अनुसार उनले दीपकराज कँडेलसहितलाई माल्टामा एक लाख ५० हजार कमाइ हुने बताृकी थिइन् । उनले प्रतिव्यक्ति आठ लाख रुपैयाँ मागेकी थिइन् । विभिन्न व्यक्तिबाट ४३ लाख रुपैयाँ लिएपछि उनी सम्पर्कविहीन भएकी थिइन् । थप कारबाहीका लागि उनलाई वैदेशिक रोजगार विभागमा पठाइएको छ ।
Facebook Comments Box
