ईश्वरको मुहूर्त पोखरामा

काठमाडौं ३ माघ । पोखरास्थित बिन्दाबासिनी मन्दिरमा चलचित्र ‘ईश्वर’को शुभमुहुर्त गरिएको छ । लक्ष्मी कुँवर थापाको प्रस्तुतिमा निर्माण हुने चलचित्रमा माओत्से गुरुङ, पृथ्वीराज प्रसाई, सुनिल थापा, शिशिर वाङ्देल, सविन बास्तोला, बुद्धि तामाङ, रविन्द्र झा, गीता अधिकारीको अभिनय रहने छ । दिव्या कंगना फिल्मस्को ब्यानरमा निर्माण हुने चलचित्रको पटकथा एवं संवाद भोजराज देवकोटा, गीत भीष्मराज फुलारा, संगीत राजेन्द्र बजगाई, नृत्य कबिराज गहतराज, क्यामरा रामेश्वर हुमगाई, व्दन्द देव महर्जनको रहने छ । हरिबहादुर थापा र शंकर गिरी निर्माता रहने ईश्वरको निर्देशन राजु गीरीको रहने छ । चलचित्रको छायांकन माघ २८ बाट शुरु हुने निर्देशक गीरीले जानकारी गराएका छन् ।