सांगीतिक प्रस्तुतिका लागि सिङ्गापुर जाँदै गायक राई

काठमाडौं २९ बैशाख । देश, विदेशको स्टेज कार्यक्रममा व्यस्त रहदै आएका चर्चित गायक पदम राई आफ्नो साँगीतिक प्रस्तुतिको लागि युएई पुगेर स्वदेश फर्केका छन् । किरात राई यायोक्खा शाखा, युएईको आयोजना येलेदोङ ५०८४ बृहत साँस्कृतिक कार्यक्रममा गायक राईले आफ्ना दर्जनौ हिट गीत गाएर उपस्थित पाहुनाहरुलाई भरपुर मनोरञ्जन प्रदान गरेका थिए भने यूएईको आब्रा बरदुबईको ब्लुप्यालेस होटलमा कार्यक्रम सम्पन्न भएको थियो । नेपाली मुभिज् सिंगापुरको आयोजनामा आगामी २०८१ जेष्ठ १२ र १३ ‘ २०२४ मे २५ र २६’ मा सिङ्गापुरमा हुने ‘लाईभ नेपाली सांगीतिक साँझ सिंगापुर २०२४’ मा आफ्नो साँगीतिक प्रस्तुतिको लागि गायक राई यतिबेला तयारीमा जुटेका छन् । द भ्वाईस अफ नेपाल सिजन ४ का सेमिफाइनलिस्ट चर्चित गायक पदम राईलाई प्रगति पुन मगर, सुनिता थेगिम्, रवि गहतराज लगायत स्थानीय कलाकारहरुले कार्यक्रममा साथ दिने छन् ।