काठमाडौं १६ असार । नीलम पौडेल एक स्थापित मेकअप आर्टिस्ट एवं मोडल हुन् । उनको हातले नेपालका कैयौं चर्चित अनुहारलाई चम्काइसकेका छन् । समय समयमा राजधानी र देशका विभिन्न शहरमा हुने ‘फेसन शो’ को कार्यक्रम संयोजन गर्छिन नीलम । उनि आफैपनि कार्यक्रम आयोजना गर्छिन । उनको एकल पहलमा हालै नेपालमा एलजिटिआईक्यु समुदायको योगदानलाई सम्मान गर्न आयोनित ‘निलम अवार्ड २०२४’ काठमाडौंको योग चलचित्र गार्डेन क्वियर हबमा सम्पन्न भएको छ । नीलम पौडेलले आयोजना गरेको अवार्ड समारोहको उद्देश्य नेपालमा एलजिटिआईक्यु अधिकार प्रवद्र्धन गर्न समर्पित व्यक्ति र संस्थाहरूको प्रयासलाई स्वीकार र सम्मान गर्नु रहेको संस्थाकी अध्यक्ष नीलम पौडेलले बताउनु भयो । महामहिम पुरस्कार पनि प्रस्तुत गरिएको छ, जसमा समुदायको लागि सहयोग गरेकोमा वार्षिक दुई देखि तीन व्यक्तिहरूलाई मान्यता दिईएको छ । यो वर्ष चर्चित दुई ड्रेस डिजाइनर सन्जिता बराल र सोनम सुब्बा लिम्बुलाई उक्त अवार्डबाट सम्मानित गरिएको छ । ब्लगर लेक्स लिम्बुले सञ्चालन गरेको अवार्ड कार्यक्रममा नायिका करिष्मा मानन्धरको प्रमुख आतिथ्यता रहेको थियो । अभिनेत्री श्वेता खड्का, मिस युनिभर्स शोफिया भुजेल, प्राइम टेलिभिजन कार्यक्रम प्रस्तोता बीना श्रेष्ठ सञ्चारकर्मी आरती सी. लगायतको उपस्थिति रहेको थियो । कार्यक्रममा सातै प्रदेशका व्यक्तित्वहरुलाई पुरस्कार प्रदान गरिएको थियो जसमा देवनारायण चौधरी ‘कोशी प्रदेश’, अब्दुल शाहमद ‘मधेश प्रान्त’, किरण थापा ‘वाग्मती प्रदेश’, रजनी थकाली ‘गण्डकी प्रदेश’ रेशम न्यौपाने ‘लुम्बिनी प्रदेश’, अञ्जली बीसी ‘कर्णाली प्रदेश’ राजु लामा ‘दक्षिणपश्चिम प्रदेश’ रहेका छन् ।
