चिनीको मूल्य बढेपछि वाणिज्य विभागको चासो

चिनीको मूल्य बढेपछि वाणिज्य, आपूर्ति तथा उपभोक्ता संरक्षण विभागले चासो देखाएको छ । एक सातामै प्रतिकिलो १५ देखि २० रुपैयाँसम्म चिनीको मूल्य बढेपछि विभागले चासो देखाएको हो । विभागले व्यवसायीलाई बोलाएर चिनीको मौज्दात बारे जानकारी समेत लिएको छ । बजारको मौज्दातको विषयमा जानकारी लिँदै चिनीको मूल्यवृद्धिको कारण देखाउन समेत व्यापारीलाई निर्देशन दिइएको बताइएको छ ।