काठमाडौं । चर्चित गायक रेशम थापा, नारायण गोपाली एवं गायिका आशा लामाको स्वर रहेको लोकदोहोरी गीत ‘आउन पाइँन सम्झेर नरुनु’ को म्युजिक भिडियो सार्वजनिक गरिएको छ । शुक्रबार रिपोटर्स क्लबमा लोक गायक, श्रष्ठा एवं कार्यक्रमका प्रमुख अतिथि समेत रहेका नविन ढुंगेलले म्युजिक भिडियो बजाएर सार्वजनिक गरे । विमोचन कार्यक्रममा चर्चित लोक गायक नवराज घोरासैनीले उक्त म्युजिक भिडियोको बारेमा समिक्षा गरेका थिए । 
यसैगरी समाजसेवी एवं वेवारिसे शवका व्यवस्थापक विनयजंग बस्नेत, पुण्य गौतम, गायक रेशम थापा संगीत कर्मी संघका अध्यक्ष विक्रमजंग शाह लगायतले उक्त म्युजिक भिडियोको सम्बन्धमा मन्तव्य राखेका थिए । नेपालीहरुकै महान् पर्व बडादशैं नजिकिंदै गर्दा परदेशी र परदेशी छोरालाई घरमा कुरीरहेका वृद्ध बाबा आमाको कारुणिक यथार्थ भावनालाई शब्द, संगीत र भिडियोमा उतारिएको छ । म्युजिक भिडियोमा विनयजंग बस्नेत, आशा लामा, पुजा विश्कर्मा बस्नेत, विश्वराजा लगायतका कलाकारहरुले अभिनय गरेका छन् । उक्त म्युजिक भिडियो निरन श्रेष्ठले निर्देशन गरेका हुन् । म्युजिक भिडियो ज्ञानमाला म्युजिकको युट्यव च्यानल मार्फत् हेर्न पाइने छ ।
https://www.youtube.com/watch?v=E3UcyAGctYY
