काठमाडौँ । काठमाडौँमा जारी महिला साफ च्याम्पियनसिपको सेमिफाइनलका खेल आज हुदै छन् । आज पहिलो सेमिफाइनल खेल बंगलादेश र भुटानबीच अपराहन्न १ बजे हुदै छ भने दोस्रो सेमिफाइनल खेल नेपाल र भारतबीच हुदै छ ।
नेपाल समुह बि को विजेता हुदै सेमिफाइनलमा पुगेको हो भने भारत समुह ए मा उपविजेता बनेर सेमिफाइनलमा खेल्दै छ । नेपालले यस अघि समुह चरणका खेलमा भुटानलाई ४-० र श्रीलंकालाई ६-० गोल अन्तरले पराजित गरेको थियो ।
त्यस्तै भारतले समुह ए मा पाकिस्तानलाई ३-० ले र माल्दिभ्सलाई ९-० ले पराजति गरेको थियो । तर समुह चरणको अन्तिम खेलमा भारत बंगलादेशसँग ३-० ले पराजित भएको थियो ।
त्यस्तै अर्को सेमिफाइनलमा बंगलादेश र भुटान भिड्ने भएका छन् । बंगलादेश समुह ए मा अपराजित हुदै समुह विजेता बनेर सेमिफाइनलमा पुगेको छ भने भुटानले समुह चरणमा नेपालसँग हार बेहोरेपनि श्रीलंकालाई पराजित हुदै सेमिफाइनलमा स्थान बनाएको छ ।
