प्रतिनिधिसभालाई व्यवस्थित र मर्यादित बनाउने छु : सभामुख घिमिरे

प्रतिनिधिसभाका नवनिर्वाचित सभामुख देवराज घिमिरेले प्रतिनिधिसभालाई व्यवस्थित र मर्यादित बनाउन प्रयत्न गर्ने बताएका छन् । शुक्रबार सभामुखको पद तथा गोपनीयताकाे शपथग्रहणपछि सिंहदरबारस्थित आफ्नो कार्यकक्षमा कार्यभार सम्हाल्दै नवनिर्वाचित सभामुख घिमिरेले संसद्‍लाई बढीभन्दा बढी व्यवस्थित र मर्यादित बनाउन प्रयत्न गर्ने बताएका हुन् । उनले संसद्लाई अझ बढी क्रियाशील बनाउन पनि प्रयत्न गर्ने उल्लेख गरे ।