मित्र राष्ट्र चीनको हाङझाउमा आगामी सेप्टेम्वरमा हुन गईरहेको १९ ओैं एशियन गेम्सको लागि कराते खेलको खुल्ला राष्ट्रिय कराते छनौट प्रतियोगता शुक्रवार देखि शुरु हुने भएको छ । पुरुष तर्फ -६०,-६७,-७५,-८४,+८४,एकल काता र महिला तर्फ -५०,-५५,-६१,-६८,+६८ र एकल काता गरि १२ वटा ईभेन्टसमा प्रतिस्पर्धा गराईनेछ । छनौटमा परेका तौल समुहका खेलाडीहरु मध्येवाट अन्तिम छनौट गरि पुरुष तर्फ ४ र महिला तर्फ ४ ईभेन्टस गरी नेपालको तर्फवाट जम्मा ८ वटा ईभेन्टसमा सहभागी हुनेछन ।
त्यसैगरी उक्त छनौट प्रतियोगितामा सहभागि हुन निम्नानुशार मापदण्ड पनि तोकिएको छ । प्रतियोगितामा सहभागि हुन १३ ओै साग गेम्समा सहभागि सम्पुर्ण खेलाडीहरु, राष्ट्रिय खेलकुद परिषदद्धारा आयोजित नवौ राष्ट्रिय कराते प्रतियोगिता-२०७९ मा सहभागि खेलाडी तथा बिभिन्न राष्ट्रिय तथा अन्तराष्ट्रिय कराते प्रतियोगितामा पदक बिजेता खेलाडीहरुले सहभागि हुन पाउने मापदण्ड तय गरिएको छ । शुक्रवार परिवर्तित WKF र AKF को नियम बारे रेफ्री रिफ्रेशर तथा खेलाडी दर्ता,तौल लिने र शनिवार देखि राष्ट्रिय छनौट प्रतियोगिता कराते एकेडेमी सातदोबाटोमा हुने नेपाल सितोरियो कराते संघका सचिव तथा प्रवक्ता गजेन्द्र बहादुर खपाङ्गी ‘ईश्वर’ ले जानकारी गराउनुभयो । प्रतियोगिता आईतवार सम्म सन्चालन हुनेछ ।
