एमालेको नाराबाजीपछि संसद् बैठक स्थगित

काठमाडौं– प्रमुख प्रतिपक्षी दल नेकपा एमालेको अवरोधपछि संसद बैठक २० मिनेटका लागि स्थगित भएको छ । पशुपतिको जलारीमा भ्रष्टाचार गरेको आरोप लगाएपछि एमालेले संसदमा नाराबाजी गरेको थियो ।

एमाले सांसदले पशुपतिको जलारीमा कुनै पनि भ्रष्टाचार नभएको जिकिर गरेका छन् । सभामुख देवराज घिमिरेले सांसदहरूलाई आआफ्नो सिटमा बस्न आग्रह गरे पनि उनीहरूले मानेनन् । शुक्रबारको बैठकमा नीति तथा कार्यक्रममाथि उठेका प्रश्नहरूको जवाफ प्रधानमन्त्री पुष्पकमल दाहाल प्रचण्डले दिने कार्यक्रम तोकिएको छ ।