सुटिङको लागि नायक केसीको टिम कम्बोडिया र भेतनाम जादै

काठमाडौं । दर्जनौ नेपाली चलचित्र र म्युजिक भिडियोमा उनले गरेको जिवन्त अभिनयबाट आम दर्शकको मनमा बस्न सफल नायक दिनेश केसीले आफ्नो निर्माण संस्था दोलखा फिल्मस् कम्पनिबाट निर्मित चलचित्र, म्युजिक भिडियो, डकुमेन्ट्रीहरु देशमा मात्र नभएर विदेशमा समेत प्रर्दशन गर्दै आईरहेका छन् । यसै सिलसिलामा केही समय पहिले विदेशी भुमिमा छायांकन गरिएको म्युजिक भिडियो सार्वजनिक भएको छ । सिंगापुर, मलेसियाको रमणिय स्थानहरुमा खिचिएको ‘प्रदेश बस्नै मन छैन’ बोलको गीतको भिडियो सार्वजनिक भएको हो । जसका निर्माता गणेश प्रसाद रेग्मी हुन् भने क्यामरा यज्ञ रेग्मी, निर्देशक चेतनाथ दंगाल, कलाकारहरुमा दिनेश केसी, खुशी खनाल रहेका छन् । देलखा फिल्मस्को युनिट फेरी अर्को प्रोजेक्टको लागि कम्बोडिया, भेतनाम लगायतका स्थानमा छायांकनको लागि त्यस तर्फ प्रस्थान गर्ने तयारीमा रहेको कुरा दोलखा फिल्मस्का डाईरेक्टर तथा नायक दिनेश केसीले जानकारी गराएका छन् ।