हार्दिक बधाई नेपाली क्रिकेट टिम

नेपाली टोलीले काठमाडौँमा जारी एसीसी मेन्स प्रिमियर कपमा फाइनलमा युएईलाई हराउँदै विजय हासिल गरेको छ । यो जीतबाट नेपाल एसिया कपमा छनोट समेत हुन सफल भएको छ । नेपाली टोलीले अपराजित रूपमा च्यापियन बनेको हो । नेपालले टियु मैदानमा भएको फाइनल खेलमा युएईलाई ७ विकेटले पराजित गरेको थियो । यूईएले लिएको ११८ रनको लक्ष्य नेपालले ३०।३ ओभरमा मात्र ३ विकेट गुमाएर भेट्टायो । नेपालका लागि गुल्शन झाले अविजित ६७ रन बनाए भने भीम सार्की ३६ रनमा नटआउट रहे । आइतबार टस हारेर ब्याटिङको निम्तो पाएको युएईले २७।३ ओभरमा १०६र९ बनाएको अवस्थामा वर्षाले खेल रोकिएको थियो । सोमबार त्यहीबाट अघि खेल्न थालेको यूएईले थप ११ रन जोड्दा बाँकी विकेट गुमायो । एसिया कपमा नेपालले भारत र पाकिस्तानसँग खेल्नेछ । नेपाली टोलीले विजय हासिल गर्नु ऐतिहासिक सफलता हो । यो सफलताले नेपालको गौरव वृद्धि गरेको छ । नेपाल क्रिकेट खेलको सम्भावना राम्रो रहेको सन्देश पनि दिन यो सफलताले महत्वपूर्ण भूमिका निर्वाह गरेको छ । प्रधानमन्त्री पुष्पकमल दाहालले विजयी नेपाली टोलीलाई बधाई दिएका छन् । यो अभुतपुर्व सफलताको लागि नेपाली टोली बधाई र धन्यवादका पात्र हुन् । हाम्रो तर्फबाट पनि विजयको लागि हार्दिक शुभकामना । आगामि दिन अझै सफलता मिल्दैजाहोस् ।