विद्यालयलाई शैक्षिक सामाग्री प्रदान

काठमडाौं । निरन्तर विकास संघ नेपालले पछिल्लो समयमा जाजरकोटको विभिन्न आधादर्जन विद्यालयलाई विभिन्न शैक्षिक सामाग्री प्रदान गरेको छ । यसरी शैक्षिक सामाग्री प्रदान गरिएका विद्यालयहरुमा नल्गाड नगरपालिका वडा नं. १ जुरेलीमा रहेको जनप्रिय आधारभूत विद्यालय, वडा नं. १३ डल्लुमा रहेको भगवती निम्न माध्यमिक विद्यालय लगायत रहेका छन् । यी विद्यालयलाई शैक्षिक सामाग्री कार्यक्रमका प्रमुख अतिथी निरन्तर विकास संघ नेपालका संस्थापक अध्यक्ष दिनेशदास श्रेष्ठसहित विभिन्न व्यक्तित्वहरुले वितरण गर्नु भएको हो ।
शैक्षिक सामाग्री वितरण कार्यक्रममा विभिन्न राजनीतिक दलका प्रतिनिधि, स्थानीय वडा अध्यक्ष, समाजसेवी, विदेशी पाहुना, विद्यालयका पदाधिकारी, छात्रछात्रा, पत्रकारहरुको बाक्लो उपस्थिति रहेको थियो । संघले शैक्षिक सामाग्री वितरण गरेको यी विद्यालयहरुमा खास गरी दलित, जनजाती समुदायका विद्यार्थी बढी अध्ययनरत छन् ।
स्मरण रहोस्, निरन्तर विकास संघ नेपालले समय समयमा यस्ता समाजसेवी कार्य गर्दै आएको छ । निरन्तर विकास संघ नेपालको केन्द्रीय कार्यालय काठमाण्डौंको क्षेत्रपाटी धोविचौरमा रहेको छ ।